الكسور

"الهيكل العظمى"

 يتركب من عظام و غضاريف ، ويبلغ عدد العظام فى الهيكل 206 عظمة تشكل نحو 18 % فقط من وزن الإنسان ، و تتركب العظمة من طبقة من الخلايا العظمية تنتج مركبات الكالسيوم والفسفور التى تكون العظم الصلب و يحيط بها من الخارج غشاء رقيق خشن يرمم تهتكاته و يساعد على تثبيت العضلات على العظمPeriosteum ، و يوجد فى داخلها تجويف رقيق به النخاع الذى يحوى الكثير من الأعصاب والأوعية الدموية ووظيفه النخاع إنتاج خلايا الدم الجديدة .

"البرنامج الغذائى لمرضى الكسور"

1- لازم حلبه مطحونه على الريق لانها تجبر العظم

2- كوب حليب يكون مغلي وأضيفي له بيضه واحدة بلدي نيئه ومجرد خلطها مع الحليب ماراح تحسي بطعمها مفيدة جدا

3- حب الرشاد

هو أكثر النباتات غنى بمادة اليود وهذا ما يجعله سهل الهضم كما يحتوي على الحديد والكبريت والكلس والفوسفور والمنغنيز والزرنيخ، وهو غني بالفيتامين " ج " = " C " وفيه نسبة قليلة من الفيتامين " أ " و" ب " و" PP " والكاروتين، وتدل دراسات حديثة على احتوائه عنصراً من المضادات الحيوية المبيدة للجراثيم.

طريقة الاستعمال : كأس من مغلي الرشاد صباحاً و مساءً و يضاف عليه العسل .
المطحون: هو ملعقة صغيرة في اليوم ولمدة (30) يوماً.

"اطعمة تزيد التئام الكسور "

تناول الأطعمة الغنية بالكالسيوم مثل الألبان و منتجاتها و الفلفل الأخضر و البرتقال ، وبالنسبة للسيدات بعد إنقطاع الحيض ينصح بأخذ 1000 مجم /يوم من الكالسيوم لمن هن أقل من 50 عام و 1500مجم / يوم لمن هن فوق 50 عام.
ممارسة الرياضة بإنتظام ، حيث تعمل الحركة على إدخال أيون الكالسيوم إلى نسيج العظام فيزداد صلابة .
التعرض لأشعة الشمس .
الإمتناع عن التدخين و شرب الكحوليات .

"التحاليل المطلوبة:"

قياس نسبة الكالسيوم و الفسفور فى الدمSerum Ca2+ , Po43- و الفوسفات Alkaline phosphatase ، و غالباً ما تكون النسبة طبيعية إلا إذا ما كان هناك مرض عضوى مسبب لترقق العظام

"العلاج "

تناول الأغذية الغنية بالكالسيوم, منتجات الألبان و خصوصاً الجبن قليل الدسم و الجبن الشيدر حيث تحتوى على نسبة عالية من الكالسيوم وكذلك المكسرات و الفلفل الأخضر .
 تناول الكالسيوم بجرعة 1500 مجم يومياً ، و كذلك فيتامين د بجرعة 400-800 وحدة دولية يومياً . (6)
 البسفوسفونات Bisphosphonates مثل الديدرونيل Didronel PMO ( و يؤخذ 14 يوم من Etidronate 400 mg / d و يتبعه 76 يوم من كربونات الكالسيوم Calcium Carbonate 1.25 mg فى دورة مدتها 90 يوم ) ، أو حمض الأليندرونيك Alendronic acid 10 mg / d ، على أن تؤخذ هذه العلاجات مع شرب كمية وفيرة من الماء قبل الأكل ب 20 دقيقة و عدم النوم بعد أخذها مباشرة أى بعد 30 دقيقة على الأقل ، وذلك لأن من أعراضها الجانبية (آلآم البطن ، الغثيان ، قرح المرىء و فرط الحساسية للضوء ) ، لذا يجب إيقاف العلاج فى حالة ظهور صعوبة بالبلع أو ألم فى البطن ، و يوجد من البسفوسفونات الآن جرعة إسبوعية 70 مجم .
 فيتامين د Vit D من الأشياء المؤثرة فى العلاج خاصة إذا كان السبب ناتج من مرض عضوى أو كنتيجة لأخذ أنواع من الأدوية مثل الكورتيزون

العلاج بإستخدام فيتامين د فى الصورة النشطة (الكالسيترول ) 1,25-dihydroxyvitamin D3 (calcitriol) مهم جداً فى حالات الفشل الكلوى وأمراض الكبد حيث يتم تنشيط الفيتامين فى هذين العضويين ، و لكن هناك مستقبلات على العظام Vitamin D receptor هى التى يعمل عليها الفيتامين ، لذا يرجح أن هناك عوامل وراثية (جينات) تؤثر على هذه المستقبلات و الذى يضعف عمل الكالسيترول و بالتالى لا يستغل الكالسيوم بالشكل الصحيح ، مما يجعل ترقق العظام يظهر فى بعض الناس ولا يظهر فى أناس آخرون ويرجح العامل الوراثى لظهور المرض ..
 الرالوكسيفين Raloxifene و هو عبارة عن بديل تعويضى لهرمون الإستروجين و لكنه يعمل على مستقبلات الهرمون على العظام فقط دون أجزاء الجسم الأخرى SERM(selective estrogen receptor modulator ) ، وبذلك يمكن تفادى ترقق العظام مع تجنب إحتمالية الإصابة بسرطان الثدى .  الكالسيتونين Calcitonin ß يقلل الآلام بعد إلتئام الكسور ويعمل على زيادة صلابة العظام و يوجد الآن فى صورة بخاخ للأنف . (6)
اعطاء هرمون الغدة الجاردرقية المعدل وراثياً Recombinant Parathyroid hormone ، حيث أن له دور فى الحماية من الكسور فى الحالات الشديدة .

راجع المستشفى إذا شعرت بأحد الأعراض التالية :

-         انتفاخ اليد أو القدم حول حافة الجبيرة
- فقدان الإحساس بأصابع اليد أو القدم .
- شحوب أو ازرقاق أصابع اليد أو القدم
- ألم غير عادي أو الشعور بحرقان أو الاحمرار اوانتفاخ أو تمزق الجلد تحت أو حول جبيرة الجبس الباريسي .
- تلطخ جبيرة الجبس بالدم مما يدل على احتمال وجود جرح تحت الجبيرة .
- ارتفاع درجة حرارة الجسم .
- إذا تشقق الجبس أو أصبح طريا .
- قسوة أو شدة حافة الجبيرة .
- احتكاك الجبيرة بسبب اتساعها عقب زوال الانتفاخ الاولي .
- دخول قطع نقدية أو خرز أو أشياء صغيرة تحت الجبيرة

ملاحظات

-         الإكثار من الملح الغذائي يسرع تحطم العظام, فضلا عن دوره في زيادة ضغط الدم الشرياني وحدوث السكتة.

العناية بالبشرة

البشرة شديدة الجفاف
جفاف البشرة من أكتر المشاكل اللي بتضايقنا صيف وشتا، ودايماً بنحاول نلاقي لها حل، ودلوقتي ممكن نعمل كريمات ترطيب لبشرتنا بنفسنا في البيت وبمكونات وخطوات سهلة جداً...

1- كريم اللانولين

المكونات:
قطعة لانولين خام بحجم عين الجمل
معلقة زيت زيتون
معلقة زيت لوز حلو
معلقة زيت سمسم
معلقة زيت جنين القمح
معلقة زيت مشمش
معلقة زيت ليمون

الطريقة:
بتسخّني مية كتيرة في حلة على النار وبتحطي على المية طبق حراري أو حلة أصغر شوية "حمام مائي" وبتسيحي فيها اللانولين شوية وبعد كده بتضيفي مجموعة الزيت المختلفة، وبتسيبيهم في الحمام المائي الساخن، ونستمر في تقليبهم لغاية ما المزيج يبقى له قوام كريمي، وفي النهاية بتحطي الكمية اللي عملتيها في برطمان صغير وتحطيه في الثلاجة وتستعملي منه على بشرة وشك وجسمك والإيدين والقدمين كل ما تحتاجي.

مع العسل يُذاب في حمام مائي ساخن

2- كريم شمع العسل

المكونات:
قطعة من شمع العسل
زيت لوز حلو
زيت ورد

الطريقة:
بتسيحي قطعة شمع العسل في حمام مائي بنفس الطريقة اللي فاتت وبعد كده بتضيفي زيت اللوز وزيت الورد، وبتحطي الخليط في برطمان وتستعملي منه كل ما تحتاجي، والماسك ده كمان مناسب لبشرة الوش والجسم.

ملحوظة:
الكريمات اللي بتحتوي على العسل يفضل إننا مانسيبهاش على البشرة أكتر من 3 ساعات، أما الماسكات والكريمات اللي بتحتوي على ليمون ممكن نسيبها على البشرة وقت طويل لكن ناخد بالنا إننا ما نتعرضش لأي إضاءة قوية وهي على بشرتنا.

التجاعيد والبشرة المرهقة
لو بتعاني من ظهور التجاعيد على بشرتك، ولو بشرتك حساسة وبتلتهب بسرعة، ولو بشرتك باهتة ومرهقة ومحتاجة لتغذية ممكن تجربي ماسك ماسك الموز...

المكونات:
موزة
معلقة عسل نحل
عصير ليمون "في حالة البشرة الدهنية"

الطريقة:
بتهرسي الموزة كويس جداً وبتضيفي عليها العسل، ولو بشرتك دهنية بتضيفي نقطتين عصير ليمون، وبتفردي الماسك على بشرتك وتسيبيه حوالي ساعة أو ساعة إلا ربع، وبعد كده بتغسلي وشك كويس بالماء الفاتر.

البثور السوداء والنمش والبقع الغامقة
نصحت رانيا بعمل ماسك من الفجل البلدي لعلاج مشكلة البثور السوداء والنمش وكمان البقع الغامقة اللي بتظهر على البشرة بسبب الجفاف أو التعرض للشمس لفترات طويلة، ولكنها أكدت إنه علشان نشعر بنتيجة الماسك ده على بشرتنا لازم نواظب عليه لمدة 3 شهور ونعمله بشكل يومي، لكن كل 20 يوم ممكن ناخد راحة لمدة 10 أيام وفي فترة الراحة دي ممكن نحط على بشرتنا شرائح خيار...

طريقة عمل ماسك الفجل:
بنجيب الفجل ونعصره كويس جداً في عصارة البرتقال ونصفيه كويس، ونشوف السائل اللي هيطلع من الفجل قد ايه، يعني لو طلع معانا كوب من عصير الفجل نخلط معاه كوب من عصير الليمون وكوب من زيت اللوز الحلو، ونقلبهم مع بعض كويس، ونحطّهم في الثلاجة، وعند الاستخدام نرجّه كويس، ونحطّ منه على أماكن البثور والبقع والنمش، لكن لازم ناخد بالنا إننا لما نعمل الماسك ده مش لازم نتعرض لأشعة الشمس مباشرة أو لأي إضاءة قوية.

ماسك الترمس لتفتيح البشرة

تفتيح وتنعيم البشرة
ده ماسك هايل لتفتيح البشرة، ومكوناته سهلة وبسيطة..

المكونات:
معلقة كبيرة ترمس مطحون
1/2 معلقة عسل نحل
1/2 معلقة زيت ورد
ماء ساخن جداً للعجن
معلقة ردّة

الطريقة:
بنخلط المكونات كلها مع بعضها ونقلبهم كويس، وندلّك البشرة برفق جداً بالماسك ده في حركات دائرية، ونسيبه على البشرة لمدة ساعة أو ساعة إلا ربع وبعدين نفركه من على البشرة، ونشطف البشرة بماء فاتر.

جفاف الشفايف
جفاف الشفايف مشكلة بتؤرق الكثير من البنات، وفي أثناء الندوة قدمت رانيا وصفة طبيعية بسيطة وسهلة، ممكن نعملها بشكل يومي وهي إننا نخلط كمية صغيرة من اللبن مع نقطتين عصير ليمون، وندهنهم على شفايفنا كل يوم قبل ما ننام، وكمان نصحت بوضع شرائح الخيار على الشفايف لأنه بيفيد جداً في ترطيبهم.

آثار الحبوب
للتخلص من آثار الحبوب اللي بتظهر على البشرة، ممكن ندهن بشرتنا والأماكن اللي فيها آثار الحبوب بزيت الليمون قبل ما ننام بالليل ونسيبها على بشرتنا لمدة نصف ساعة وبعد كده نشطف بشرتنا كويس بماء فاتر، ونكرر الموضوع ده بشكل يومي.

المسامّ الواسعة
بالنسبة لمشكلة المسام الواسعة اللي بيشتكي منها ناس كتير وخصوصاً أصحاب البشرة الدهنية، فأوصت رانيا بوضع شرائح الطماطم على البشرة لمدة نصف ساعة يوم بعد يوم.

الهالات السوداء
شرائح الخيار وعصير البطاطس يعتبروا من أفضل الحلول الطبيعية لعلاج مشكلة الهالات السوداء، لكن مع المواظبة والاستمرار عليها، والبعد عن الإرهاق والتوتر والسهر.

الأظافر الضعيفة
لو كانت أظافرك ضعيفة وبتتكسر بسرعة ومش بتطول، فالحل إنك تدلكيها بشكل يومي بزيت الخروع أو بزيت الزيتون الدافي.

ماسك حبة البركة لعلاج الحبوب

الحبوب
الحبوب مشكلة بتحير وبتضايق ناس كتير، وفي الندوة نصحت رانيا كل الناس اللي بتعاني من مشكلة حبوب البشرة إنهم يستخدموا ماسك حبة البركة...

المكونات:
2 معلقة كبيرة حبة البركة مطحونة
كوب من مغلي زهرة البابونج  "الشيح"
عصير ليمون
بشر ليمون
زيت ليمون

الطريقة:
1- بنشطف البشرة الأول بكمية كبيرة من مغلي البابونج واللي سبق وقلنا طريقة تحضيره، وبنفرد على البشرة -وهي مبلولة بمغلي البابونج- طبقة من حبة البركة المطحونة، وبندلّك بها البشرة في حركات دائرية، لمدة 5 أو 10 دقائق.

2- بعد كده بنخلط كمية من حبة البركة المطحونة مع عصير الليمون وبشر الليمون وزيت الليمون، وبنعمل منهم عجينة متماسكة، وبناخد منها قطع صغيرة ونحطها على الأماكن اللي فيها الحبوب، ونسيبها على بشرتنا لمدة ساعة، وبعد كده نفرك بشرتنا برفق ونشطفها بالماء الفاتر.

لوشن "سحري" لتفتيح الجسم
وصفت رانيا اللوشن ده بإنه اللوشن السحري لتأثيره على تفتيح الجسم وإعطاؤه ريحة عطرة وفواحة بطريقة طبيعية، واللوشن مكوناته بسيطة جداً وهي عبارة عن كولونيا ليمون (555) وبنخلطها مع زيت ورد طبيعي بنسبة ثلاثة لواحد يعني بنحط 3/4 كوب من الكولونيا وربع كوب من زيت الورد، وبنحطهم في زجاجة ونحفظها في الثلاجة، وبندهن منه على الجسم بالكامل والوش لكن مع مراعاة إننا مانتعرضش به للضوء.

انتفاخ العينين
انتفاخ المنطقة حول العينين ممكن نتغلب عليه بإننا نعمل كمادات من اللبن البارد على المنطقة دي، وكمان ممكن نحط شرائح خيار، لكن يفضل إننا نكتفي بكمادات اللبن البارد بالنسبة للبنات الصغيرين؛ لأن الخيار بيستخدم على بشرة أكثر نضجاً.

أعطي لجسمك وغرفتك رائحة عطرة
لو عايزة تهدي أعصابك وتصفي ذهنك، فدي الطريقة اللي وصفتها رانيا وهي إنك تخلطي معلقة من زيت اللافندر مع معلقة من زيت الريحان مع معلقة من زيت الليمون مع مية، وتحطي الخليط ده على الفواحة وتحطيها في غرفتك الخاصة، مع الاسترخاء التام، هتلاقي نفسك هادية ومنتعشة جداً وكمان حالتك النفسية هتبقى كويسة، وممكن تحطي من نفس الخليط ده على ليفة الاستحمام الخاصة اللي بتغسلي بها جسمك، وهتلاقي جسمك بقى له رائحة مميزة وجميلة وهتستمر معاكي لفترة طويلة.

للامانه منقول عن خبيرة التجميل رانيا موسى

البداية

كاى طالب علم بحثت عن المواد التى احبها واعشقها فاحببت الكيمياء وعشقت الفيزياء وعشت الاحياء وكانت الرياضيات مادتى المفضلة المهم انى تفوقت فى الدراسة ودخلت كلية الصيدلة وتخرجت منها والان انا صيدلى الحمد لله الذى جعلنى سبب فى شفاء الناس